რუსეთმა უკრაინის დედაქალაქზე მასშტაბური იერიში მიიტანა. საოკუპაციო ძალებმა კიევს 100-ზე მეტი დრონით შეუტიეს.
ადგილობრივი ხელისუფლების ცნობით, დრონებმა დააზიანეს ორი საცხოვრებელი კორპუსები, რა დროსაც 3 მშვიდობიანი მოქალაქე გარდაიცვალა. დაშავებულია 29 პირი, მათ შორის 7 ბავშვი.
სასწრაფო დახმარების ჯგუფებმა საცხოვრებელი სახლებიდან მოსახლეობის ევაკუაცია დაასრულეს. უკრაინული ძალების ცნობით, 101 დრონიდან 90-ის განეიტრალება მოხერხდა. 26 ოქტომბრის დრონებით თავდასხმამდე, რუსეთმა კიევს ბალისტიკური რაკეტებითაც შეუტია 25 ოქტომბერს.
მომხდარის შემდეგ უკრაინის პრეზიდენტმა, ვოლოდიმირ ზელენსკიმ კიდევ ერთხელ მოუწოდა ევროპას საჰაერო თავდაცვის სისტემების მიწოდება დააჩქარონ.
