სურსათის ეროვნული სააგენტო მოუწოდებს მომხმარებელს, არ შეიძინოს რძე არაორგანიზებული ვაჭრობის ადგილებში.
უწყების ინფორმაციით, შეუმოწმებელი ცხოველური წარმოშობის სურსათის გამოყენებით, სიცოცხლისა და ჯანმრთელობისათვის საშიში დაავადებებით ინფიცირების რისკი მაღალია.
რას უნდა მივაქციოთ ყურადღება რძის შეძენის დროს და რა ფაქტორების გათვალისწინებით უნდა მივიღოთ გადაწყვეტილება – ამ თემაზე ევრონიუს ჯორჯიას ეთერში სურსათის უვნებლობის დეპარტამენტის უფროსის მოადგილემ, ანა გემაზაშვილმა ისაუბრა.
