უკრაინისთვის ამერიკული შორ მანძილზე მოქმედი ფრთოსანი რაკეტების – „ტომაჰავკების“ გადაცემის საკითხი კვლავ ბუნდოვანია. სანამ ვოლოდიმირ ზელენსკი ტრამპს შეხვდებოდა, საუბარი შედგა დონალდ ტრამპსა და ვლადიმერ პუტინს შორის.
2024 წლამდე უკრაინისთვის გაწეული ამერიკული სამხედრო დახმარების მოცულობა ძალიან დიდი იყო. 2025 წლის ივნისამდე ამერიკული დახმარება მნიშვნელოვნად მცირდება და იზრდება ევროპული წილი. ივლისის შემდეგ საქმეში ერთვება ნატოს ახალი ინიციატივა, რომელიც გულისხმობს პრინციპს, რომ აშშ-დან უკრაინას ნატოს გავლით ეძლევა შეიარაღება.
ეშინია თუ არა პუტინს კიევის ახალი სარაკეტო შესაძლებლობების? ამ და სხვა საკითხებზე ევრონიუს ჯორჯიას ეთერში სამხედრო საინფორმაციო პორტალ „ალფა სიხშირის“ დამფუძნებელმა ოთო კონჯარიმ ისაუბრა.
