თბილისში „ინსულტის მსოფლიო ორგანიზაციის” მე-9 საერთაშორისო კონფერენცია გაიმართა. საქართველოს დედაქალაქში მსოფლიოს წამყვანი ექსპერტები შეიკრიბნენ – ისინი, ვინც ამ საკაცობრიო პრობლემაზე მუშაობენ.
ინსულტი კვლავ რჩება ადამიანის ჯანმრთელობის ერთ-ერთ მთავარ პრობლემად. თუმცა, ამ მიმართულებით, სამედიცინო სფეროში დიდი წინსვლაა. რა სიახლეებია ინსულტის მკურნალობასა და ზოგადად ნევროლოგიის სფეროში, როგორც მსოფლიოში, ასევე საქართველოში – ამ თემაზე ევრონიუს ჯორჯიას ეთერში „ჯორჯ ვაშინგტონის უნივერსიტეტის” ნევროლოგიის კლინიკურმა პროფესორმა, ზურაბ ნადარეიშვილმა ისაუბრა.
