საქართველოს ახალგაზრდობის სააგენტოს მხარდაჭერით, ორგანიზაცია „ჰელფინგ ჰენდი“ „2025 წლის საუკეთესო მოხალისის ეროვნული ჯილდოს“ კამპანიას იწყებს.
ახალგაზრდებში მოხალისეობის პოპულარიზაცია, მათი ძალისხმევის დაფასება და აღიარება – ეს არის ჯილდოს მიზანი.
კამპანიის ფარგლებში, ქვეყნის მასშტაბით დაგეგმილია საინფორმაციო და საგანმანათლებლო შეხვედრები სტუდენტებთან, სკოლის მოსწავლეებთან, ახალგაზრდულ ჯგუფებსა და ადგილობრივი მუნიციპალიტეტების წარმომადგენლებთან. ამ თემაზე ევრონიუს ჯორჯიას ეთერში ისაუბრეს „ჰელფინგ ჰენდის” დირექტორმა ნინო თოდუამ და 2024 წლის საუკეთესო მოხალისემ, ლიზი ლომიძემ.
