უკრაინის პრეზიდენტმა, 6 ოქტომბერს კიევში ევროპელ ლიდერებს უმასპინძლა. ვოლოდიმირ ზელენსკისთან შესახვედრად დედაქალაქში ჩავიდნენ ნიდერლანდების პრემიერ-მინისტრი, დიკ სხოოფი და ლიეტუვის პრემიერ-მინისტრი, ინგა რუგინიენე.
უკრაინის პრეზიდენტმა ლიდერებთან დახურული ორმხრივი შეხვედრები გამართა. ნიდერლანდები უკრაინისთვის სამხედრო-ფინანსური დახმარების კუთხით ერთ-ერთი ყველაზე მნიშვნელოვანი და ერთგული პარტნიორია. NATO-ს ინიციატივით შექმნილი „უკრაინის მოთხოვნების სიით“ გათვალისწინებული დახმარების გაწევაში კი ნიდერლანდების წვლილი დიდია.
I held a meeting with Prime Minister of Lithuania @IRuginiene – this is her first foreign visit, and it is very meaningful that it is to Ukraine. A true sign of support.
We discussed everything that is now critically important: continued defense assistance, joint weapons… pic.twitter.com/SyvCstItvV
— Volodymyr Zelenskyy / Володимир Зеленський (@ZelenskyyUa) October 6, 2025
ერთობლივ პრესკონფერენციაზე ლიდერებმა ისაუბრეს საჰაერო თავდაცვის სისტემების კიევისთვის გადაცემის აუცილებლობასა და ვადებზე. დიკ სხოფმა ისაუბრა უკრაინაში რუსეთის ომის დასრულების შემდეგ დანაკარგების სრულ კომპენსაციაზეც.
ლიეტუვის პრემიერ-მინისტრთან ორმხრივი შეხვედრის დროს ლიდერებმა სამომავლო სამხედრო დახმარებასა და უკრაინის თავდაცვის ინდუსტრიაში ინვესტიციების შესაძლებლობები განიხილეს.
