1-ელი ოქტომბრის ღამეს რუსეთმა უკრაინის ქალაქ ხარკივზე საჰაერო იერიში მიიტანა. საოკუპაციო ძალებმა ქალაქის მიმართულებით ბალისტიკური რაკეტები და მართვადი საჰაერო ბომბები გაუშვეს.
უკრაინული მედიის ინფორმაციით, შეტევის შედეგად, 6 მშვიდობიანი მოქალაქე დაშავდა.
ადგილობრივი მთავრობის განმარტებით, მართვადი საჰაერო ბომბების იერიშების შედეგად, განადგურდა საცხოვრებელი სახლები. ადგილზე ამ დრომდე მუშაობენ სახანძრო და გადაუდებელი სამედიცინო დახმარების ბრიგადები.
