მალტაზე მერაბ ბერძენიშვილის ხელოვნების საერთაშორისო კონკურსი/ფესტივალი – „ოქროს მუზა“ გაიმართება. ფესტივალში მონაწილეობას მიიღებენ სხვადასხვა სფეროს ხელოვანები ევროპის ქვეყნებიდან.
ჩატარდება კინოფესტივალი, სადაც საქართველოს კინოაკადემია წარადგენს ქართულ მოკლემეტრაჟიან ფილმებს: „ელენე დარიანი” და „ყინვა და პატარა მოწაფე“.
ევრონიუს ჯორჯიას ეთერში საქართველოს კინოაკადემიის საერთაშორისო ურთიერთობების ხელმძღვანელმა, პროფესორმა მანანა ანასაშვილმა და მალტის ქართული კულტურის ცენტრის დამფუძნებელმა, საერთაშორისო პროექტების ხელმძღვანელმა საქართველოში, ირინა ცერცვაძემ ისაუბრეს.
