აშშ-ის სახელმწიფო მდივანი მარკო რუბიო ბრაზილიის ყოფილ პრეზიდენტ ჟაირ ბოლსონარუსთვის გამოტანილ განაჩენს ეხმაურება. სახელმწიფო მდივანმა მომხდარი პოლიტიკურ დევნად შეაფასა და მას „კუდიანებზე ნადირობა” უწოდა. რუბიოს თქმით, ამ გადაწყვეტილებას შეერთებული შტატები შესაბამისად უპასუხებს.
„სანქცირებული ადამიანის, უფლებათა დამრღვევის, ალექსანდრ დე მორაესის, მხრიდან პოლიტიკური დევნა გრძელდება – მან და ბრაზილიის უზენაესმა სასამართლომ უსამართლოდ გადაწყვიტეს ყოფილი პრეზიდენტის, ჟაირ ბოლსონარუს, დაპატიმრების შესახებ. ამერიკის შეერთებული შტატები შესაბამისად უპასუხებს „კუდიანებზე ნადირობას””, – დაწერა რუბიომ სოციალურ ქსელში.
ბრაზილიის ყოფილი პრეზიდენტი ჟაირ ბოლსონარუ სამხედრო გადატრიალების დაგეგმვაში დამნაშავედ ცნეს და თავისუფლების 27 წლითა და სამი თვით აღკვეთა მიუსაჯეს.
