ვარშავაში რუსეთის დროებითი რწმუნებული ანდრეი ორდიში აცხადებს, რომ „პოლონეთს არ წარმოუდგენია შესაბამისი მტკიცებულებები ქვეყნის ტერიტორიაზე ჩამოგდებული დრონების შესახებ“.
დიპლომატის განცხადებით, უპილოტო საფრენი აპარატების რუსულ წარმომავლობასთან დაკავშირებით, ვარშავის ბრალდებები „უსაფუძვლოა“.
ანდრე ორდიშის მტკიცებით, „რუსეთი საერთოდ არ არის დაინტერესებული პოლონეთთან ვითარების ესკალაციით“.
რუსულ სახელმწიფო მედიასთან საუბრისას, ის დასძენს, რომ მოსკოვის ამ მიდგომის მიუხედავად, არ აქვს პოლონეთის ხელისუფლების გულისხმიერების იმედი.
