მსოფლიოში ნომერ პირველ აკორდეონისტად აღიარებული ფრანგი მუსიკოსი და კომპოზიტორი, რიშარ გალიანო ახალ ალბომს თბილისში, მარჯანიშვილის თეატრის სცენაზე წარადგენს.
მუსიკოსი მსმენელის წინაშე ფრანგ ვირტუოზებთან – გიტარისტ ადრიან მოინიართან და კონტრაბასისტ ფილიპ არტსთან ერთად, 9 სექტემბერს წარდგება.
სწორედ გალიანოს საპრემიერო კონცერტით დაიხურება სოსო ლაღიძის სახელობის ხელოვნების საერთაშორისო ფესტივალის, „თბილისი რიტმის“ 2025 წლის სეზონი.
ამ თემაზე ევრონიუს ჯორჯიას დილის ეთერში ისაუბრა ფესტივალის დამფუძნებელმა, ანი ლაღიძემ.
