წინანდლის ფესტივალის მე-4 დღეს დილის სცენა მევიოლინე დანიელ ლოზაკოვიჩსა და პიანისტ ბეჰზოდ აბდურაიმოვს დაეთმო.
კონცერტის დროს წინანდლის მამულის თავზე ღრუბლები გამოჩნდა და ჭექა-ქუხილის ხმაც გაისმა… მაგრამ ამან ვერ დაჩრდილა მუსიკოსების ვირტუოზული შესრულება და მაყურებელი კონცერტით აღფრთოვანებული დარჩა.
7 სექტემბრის საღამოს კი სცენა, კვლავ პან-კავკასიურ ახალგაზრდულ ორკესტრს დაეთმო, მათი დიდებული მენტორის, ჯანანდრეა ნოზედას დირიჟორობით.
