პალესტინელები ქალაქ ღაზას ტოვებენ – ისრაელის მორიგი ოპერაციის დაწყებამდე, მოსახლეობა ღაზის სექტორის ყველაზე დიდ ქალაქს და მის შემოგარენს ცლის. ისინი სამხრეთისკენ მიემართებიან.
მოსახლეობის უმრავლესობა მრავალჯერ იძულებულით გადაადგილებულია. მათ საკუთარი სახლების დატოვება არ სურთ, მაგრამ სხვა გზა არ აქვთ, რადგან როგორც ისრაელის თავდაცვის მინისტრი აცხადებს, ახალი სამხედრო ოპერაციის დროს შესაძლოა ქალაქი სრულად განადგურდეს.
„უკვე მეათე შემთხვევაა, რაც სახლის დატოვება გვიწევს. სამხრეთისკენ მივდივართ. დღეს ცეცხლი გაგვიხსნეს და გვითხრეს წადით, საშიშ ადგილას ხართო. წასვლა არ გვინდა, მაგრამ იძულებულები ვართ წავიდეთ“, – ამბობს ისრაა ალ-აბსი.
„ვერც დასავლეთში და ვერც სამხრეთში ადგილი ვერ ვიპოვეთ. რთული ვითარებაა. არ ვიცით, სად მივდივართ. პირველად მივდივარ სამხრეთში და არ ვიცი, სად წავიდე. ისრაელი ჭურვებს და ასაფეთქებელ მოწყობილობებს ყრის – საშინელებაა. ჩემი პატარა ქალიშვილი მეუბნება: მამა, არ მინდა ტანკების ნახვა. საშინელებაა“, – აცხადებს ქალაქ ღაზის მცხოვრები, სადამ ალ-იაზი.
„იძულებული გავხდი წავსულიყავი, უკვე მეორედ. სამხრეთში ვიყავი, მერე ღაზაში დავბრუნდი. ახლა კი ისევ უკან მივდივარ. ვერ აღვწერ ჩემ გრძნობებს, იმ სევდასა და ტკივილს, რასაც განვიცდი“, – ჰყვება იძულებით გადაადგილებული, რაედა ავდა.
მათი ნაწილი სამხრეთში უკვე ჩავიდა. ცენტრალურ ქალაქებში, დეირ ალ-ბალაჰსა და ზავაიდაში კარვებია გაშლილი.
ადამიანის უფლებადამცველი ჯგუფები დიდი ხანია აცხადებენ, რომ 2023 წლის 7 ოქტომბერს მომხდარი თადასხმის შემდეგ დაწყებული ომი, ღაზაში ჰუმანიტარულ კატასტროფას გამოიწვევდა, განსაკუთრებით ტერიტორიაზე ისრაელის მიერ საკვებსა და სამედიცინო მარაგების შეტანაზე დაწესებული მკაცრი შეზღუდვების გათვალისწინებით.
“The more we wait, the more people will be dying” in #Gaza, says UNRWA Commissioner-General Philippe Lazzarini.
A major Israeli Military operation is underway causing more suffering for the Palestinian people in addition to #famine and ongoing bombardment
There must be… pic.twitter.com/4Ie4L7HId8
— UNRWA (@UNRWA) August 29, 2025
ისრაელი ამ დრომდე უარყოფს მონაცემებზე დაუფძნებული მასობრივი შიმშილის შესახებ გაკეთებულ განცხადებებს და მას „აშკარა ტყუილს“ უწოდებს. ცეცხლის შეწყვეტის შეთანხმების მიღწევის მცდელობები შეჩერებულია. ხოლო, იმის გათვალისწინებით, რომ ქალაქ ღაზას შემოგარენში ისრაელის სახმელეთო ჯარები უკვე იმყოფებიან, ოპერაციის დაწყება უახლოეს დღეებშია მოსალოდნელი.
გაეროს და სხვა საერთაშორისო ორგანიზაციების თანახმად, ოპერაცია კიდევ უფრო გაამწვავებს ალყაშემორტყმულ ტერიტორიაზე არსებულ ისედაც მძიმე ჰუმანიტარული კრიზისს.
ღაზას 2 მილიონზე მეტი მცხოვრების უმეტესობა უკვე რამდენჯერმე გახდა იძულებით გადაადგილებული, ტერიტორიის დიდი ნაწილი კი ნანგრევებადაა ქცეული.
ამასთან, ბევრი ისრაელელი შიშობს, რომ ქალაქზე თავდასხმამ შესაძლოა, „ჰამასის„ ტყვეობაში მყოფი ჯერ კიდევ ცოცხალი 20 მძევლის სიცოცხლეც შეიწიროს.
