ჩრდილოეთ კორეიის ლიდერი კიმ ჩენ ინი მომავალ კვირას იშვიათ ვიზიტს გამართავს ჩინეთში მეორე მსოფლიო ომის დასრულების 80 წლისთავისადმი მიძღვნილ სამხედრო აღლუმზე დასასწრებად.
რუსეთის პრეზიდენტი ვლადიმერ პუტინიც ასევე იქნება იმ 26 უცხოელ ლიდერს შორის იქნება, რომლებიც პეკინში აპირებენ ჩასვლას.
„ჩინეთი მზადაა, ხელი შეუწყოს ჩრდილოეთ კორეის სახალხო რესპუბლიკასთან ვაჭრობისა და თანამშრომლობის გაძლიერებას, სოციალისტური განვითარებისა და რეგიონული მშვიდობისა და სტაბილურობის ხელშეწყობას, საერთაშორისო სამართლიანობისა და სამართლიანობის დაცვას და ჩინეთსა და ჩრდილოეთ კორეის სახალხო რესპუბლიკას შორის ტრადიციულ მეგობრობაში ახალი თავის დაწერას.“ – აცხადებს ჩინეთის საგარეო საქმეთა მინისტრის თანაშემწე ჰონგ ლეი
ჩინეთი უკვე დიდიხანია ჩრდილოეთ კორეის უმსხვილესი სავაჭრო პარტნიორია და დახმარების მთავარი მიმწოდებელია. ამასთან კიმ ჩენ ინმა ბოლო დროს აშშ-სთან დაპირისპირებულ სხვა ქვეყნებთან, მათ შორის რუსეთთან, ურთიერთობების გაფართოება დაისახა მიზნად.
როგორც ცნობილია ჩრდილოეთ კორეა რუსეთს ცოცხალი ძალით და საბრძოლო მასალით ეხმარება.
მიუხედავად იმისა, რომ აშშ-ის პრეზიდენტმა დონალდ ტრამპმა ცოტა ხნის წინ კიმ ჩენ ინთან შეხვედრის ინტერესი გამოახატა, ჩრდილოეთ კორეის ლიდერმა დიპლომატიური ურთიერთობების განახლების შესახებ უარყო როგორც აშშ-ს, ასევე სამხრეთ კორეის მცდელობები.
