გერმანიისა და საფრანგეთის ლიდერები ფრანგულ რივიერაზე, მე-13 საუკუნის ციხესიმაგრეში ფრანკო-გერმანული ერთობლივი კაბინეტის სხდომის წინა დღეს შეხვდნენ.
ორი ქვეყნის ლიდერმა უკრაინის უსაფრთხოების გარანტიებზე ისაუბრეს. ევროპელ ლიდერებს სჯერათ, რომ უკრაინის სუვერენიტეტი დაცული უნდა იყოს, რაც ევროპის უსაფთხოების გარანტიაც იქნება. საფრანგეთის პრეზიდენტის განცხადებით, ფრანკო-გერმანული ურთიერთობები დღეს იდეალურ თანხვედრაშია, რაც ევროპას ეკონომიკური, სავაჭრო და მონეტარული კუთხით კიდევ უფრო აძლიერებს.
„ რამდენიმე დღის წინ ერთად მოლდოვაში ჩავფრინდით, რათა ევროპის საზღვრები და თავისუფალი არჩევნების შედეგები და ევროპული იდეია იმ ხალხის წინაშე დაგვეცვა, რომლებმაც ჩვენზე ძალიან დიდი შთაბეჭდილება მოახდინეს. ასევე არის ის სამუშაოები, რომელსაც ერთად ვაკეთებთ და რომელზეც აგვისტოში, ვაშნგტონში ერთად ვიმუშავეთ. მე მჯერა, რომ ფრანკო-გერმანული დუეტი დღეს იდეალურად არის შეთანხმებული, რომ უფრო ძლიერი ევროპა გვყავდეს ეკონომიკურ, სავაჭრო და მონეტარულ საკითხებში და რომ ასევე ისეთი ევროპა გვყავდეს, რომელიც უკრაინის კონფლიქტში, რუსეთის მიერ დაწყებული ომის საპირისპიროდ, თავის გეოპოლიტიკურ პოზიციას შეინარჩუნებს,” – განაცხადა საფრანგეთის პრეზიდენტმა.
ემანუელ მაკრონმა და ფრიდრიხ მერცმა ასევე განიხილეს ღაზაში არსებული ჰუმანიტარული კრიზისი და ირანის ბირთვული პროგრამა.
„გვსურს კიდევ ერთხელ, მხოლოდ ჩვენ ორს გვესაუბრა მიმდინარე პრობლემატურ საკითხებზე. ჩვენ გარკვეული ამოცანები გვაქვს, რომლის გადაჭრაც მხოლოდ ერთად შეგვიძლია. სამწუხაროდ, ამ გამოწვევებს შორისაა რუსეთის მიმდინარე ომი უკრაინის წინააღმდეგ. ჩვენ დღეს ეს საკუთხი იმის გათვალისწინებით უნდა განვიხილოთ, რომ პრეზიდენტ ვოლოდიმირ ზელენსკისა და პრეზიდენტ ვლადიემრ პუტინს შორის შეხვედრა არ შედგება. ეს ეწინააღმდეგება იმას, რაზეც პრეზიდენტი ტრამპი და პრეზიდენტ იპუტინს გასულ კვირას შეთანხმდნენ, როდესაც ჩვენ ყველა ერთად ვაშინგტონში ვიმყოფებოდით,“ – განაცხადა გერმანიის კანცლერმა.
ფრანგულ-გერმანული კაბინეტის სხდომის ფარგლებში, დღეს, 29 აგვისტოს ემანუელ მაკრონსა და ფრიდრიხ მერცს საფრანგეთისა და გერმანიის მთავრობების 20 მინისტრი შეუერთდებათ.
