ევროპის თავდაცვის მინისტრები კოპენჰაგენში არაფორმალურად შეიკრიბნენ, საუბრის მთავარი თემა – უკრაინის მხარდაჭრაა. განსაკუთრებით კი ახლა, როდესაც სამშვიდობო მოლაპარაკებების ფონზე მოსკოვმა კიევს მკაფიო სიგნალი გაუგზავნა – ბალისტიკური რაკეტებითა და დრონებით ცაზე.
ამ ნაბიჯმა მშვიდობის მოლოდინი გაუქრო მათ, ვისაც ბოლო დიპლომატიურმა ძალისხმევებმა მცირე იმედი გაუჩინა. ასეთები რთულად მოიძებნებოდნენ ბალტიისპირეთში, სადაც მომხდარმა მხოლოდ გაამყარა აზრი, რომ კრემლის ნდობა მიამიტურია.
„როგორც ვხვდები, სამშვიდობო მოლაპარაკებების პერსპექტივა სულ მცირე გულუბრყვილოა, იმის გათალისწინებით რასაც პუტინი უკრაინაში ჩადის. ნახეთ რაც მოხდა გუშინ, კიევში 23 ადამიანი მოკლეს, დაბომბეს ჩვენი დიპლომატიური მისია. პუტინი დროს საკმაოდ იაფად ყიდულობს, რათ მეტი დამიანის დახოცოს. ეს არაა მშვიდობის ნება, ეს იმიტაციაა”, – ამბობს ლიეტუვის თავდაცვის მინისტრი, დოვილ საკალიენე.
„უკრაინის უსაფრთხოების გარანტიისთვის საუკეთესო გზა კვლავ ქვეყნის ნატოში გაწევრებაა, თუმცა რადგან ამ პროცესს გარკვეული დრო სჭირდება, საჭიროა სხვა გამოსავლის მოძებნაც. თუ ნებაყოფლობით კოალიციაზე ვსაუბრობთ. ქვედანაყოფებს გამოვყოფთ. აშშ აუცილებლად უნდა იყოს ჩვენს გვერდით. ვფიქრობ, ეს ყველასთვის ნათელია”,- აღნიშნა ესტონეთის თავდაცვის მინისტრმა, ჰანო პევკურმა.
უკრაინული დელეგაცია უკვე ვაშინგტონშია, დონალდ ტრამპის სპეციალურმა წარმომადგებნელმა, სტივენ უიტკოფმაი მათ პრეზიდენტის ხედვები უნდა გააცნოს.მანამდე ევროპელები გადაზღვევაზე მუშაობენ. რუსეთზე ზეწოლის მექანიზმებს შორისაა რუსული აქტივების გაყინვა, მისი დამძიმება დამატებითი სანქციების პაკეტით, და ასევე უკრაინის სამხედრო დახმარება.მისი დახმარება ევროკავშირში მიმავალ გზაზე. ეს და სხვა თემები ევროპელმა მინისტრებმა დახურულ შეხვედრაზე განიხილეს.
„ვფიქრობ, მშვიდობისკენ ორი რამეს მივყავართ, პირველი – უკრაინის შეიარაღებული ძალებისთვის დახმარების გაზრდა. მეორე – სანქციებისა და ზეწოლის გაძლიერება. პუტინი ნაბიჯს არ გადადგამს, თუ რუსეთზე მეტი ზეწოლა არ მოხდება, რათა მოლაპარაკებების მაგიდას მიუჯდეს და საქმეს სერიოზულად მიუდგეს“,-თქვა შვედმა მინისტრმა, პოლ იონსონმა.
„თავზარდაცემული ვარ რუსეთის ქმედებების გამო,მათ შორის კიევში ევროკავშირის დელეგაციაზე საჰაერო იერიშის გამო. ეს პასუხისმგბლობის გარეშე ვერ ჩაივლის. ჩვენ რუსი დილომატების მიმართ დემარში ირლანდიაში უკვე გამოვხატეთ. მნიშვნელოვანია რომ მთელი მსოფლიო ერთხმად საუბრობდეს – ეს ვენის კონვენციის სრული უგულვებელყოფაა. ნათელია, რომ ვიდრე მსოფლიო მშვიდობაზე, დიალოგსა თუ დიპლომატიაზე საუბრობს, უკრაინაში ომის დასასრულებლად – რუსეთი აგრძელებს ტერორსა და მოქალაქეებზე თავდასხმას, ცეცხლის შეწყვეტის მიმართ კი ნებას არ ავლენს.სწორედ ამიტომ, უმნიშვნელოვანესია რომ ევროკავშირმა განვიხილოთ სამომავლო სანქციების საკითხი”,- თქვა სიმონ ჰარრისმა,რომელსაც ირლანდიის თავდაცვის მინისტრის პორთფელი აბარია.
აქტუალობას არ კარგავს უკრაინისთის უსაფრთხოების გარანტიების უზრუნველყოფაზე მსჯელობა. ევროპელებმა კარგად იციან,რომ ამ მხირვ მეტი დატვირთა მათზე მოდის, თუმცა აშშ-ის შუამავლობა მნიშვნელოვან ფაქტორად მიაჩნიათ.მითუმეტეს რომ ვაშინგტონმა ამ ხრივ თანხმობა უკვე განაცხადა.დეტალები ზუსტდება.
„მინისტრები ვთანხმდებით,რომ უსაფრთხოების გარანტიები უკრაინისთვის უნდ იყოს მტკიცე და სანდო. ამერიკამ ძალიან მკაფიოდ თქვა, რომ ევროპამ ამ ომში მეტი უნდა გააკეთს. ჩვენ გავემთ მეტ სამხედრო დახმარებას უკრაინისთვის, უშუალოდ უსაფრთხოების გარანტეიბის თაობაზე კი აშშ მზადაა უზრუნელჰყოს დახმარება, თუმცა აქ ლომის წილი საკუთარ თავზე ჩვენ უნდა ავიღოთ. მზად ვართ ეს შევასრულოთ. აღსანიშნავია, რომ უკრაინის თავდაცვის ინდუსტრია უნდა შემოვიტანოთ ევროპაში, ამას მოჰყვება სამუშაო ადგილები,მეტი ინვესტიციები – ეს საჭიროა, რადგან უკრაინამ დიდი გამოცდილება მიიღო ფრონტის ხაზზე, შესაბამისად ევროკავშირის ინტერესშია, უკრაინა ევროპის ნაწილი იყოს. მე ასევე მოხარული ვარ, რომ ევროკავშირში არსებობს ფართო მხარდაჭერა იმისა, რომ ცეცხლის შეწყვეტის შემდეგ გავზარდოთ ევროკავშირის სამხედრო წვრთნების მისიის მანდატი უკრაინაში წვრთნების უზრუნველსაყოფად. ჩვენ ვართ უკრაინის შეიარაღებული ძალების ყველაზე მსხვილი კონტრუბუტორები წვრთნებისა და სწავლების თვალსაზრისით, გავწვრთენით 80 000ზე მეტი სამხედრო, უნდა ვიყოთ მზად მეტის გასაკეთებლად”, -განაცხადა მინისტერიალის დასრულების შემდეგ, ევროკავშირის უმაღლესმა წარმომადგენელმა, კაია კალასმა.
„უკრაინაის თავდაცვის კომპანიებში ინვესტიციის გარდა, ისინი უნდა მოვიწვიოთ კიდეც ევროპაში. იმედი მალე მეტს გეტყვით იმის თაბაზე, თუ რის წარმოებას გეგმავენ უკრიანული თავდაცვითი კომანიები დანიაში. უკრაინულ კომპანიებს უნდა მივცეთ შესაძლებლბა იმუშაონ აქ და ეს მალე უნდა მოხდეს. ის გაკვეთილი, რაც უკრაინამ ფრონტზე მიიღო გამოგვადგება ახალი შესაძლებლობებისა და გზების აღმოჩენაში. უკრაინისგან ბევრი გვესწავლება, რათა უფრო ძლიერი ევროპული თავდცავა უზრუნველვყოთ”, -ამბობს მასპინძელი ქვეყნის მინისტრი, ტროელს ლუნდ პოულსენი.
ძლიერი ევროპული თავდაცვის მიზნების მისაღწევად ევროპის ქვეყნებს ვადა 2030 წლისთის აქვთ დათქმული, ამას ბიძგი რუსეთის აგრესიამ მისცა უკრაინაში. ამავე მიზეზითაა,რომ ქვეყნებმა თავდაცვის ხარჯების უპრეცენდენტო ზრდასთან ერთად, უპრეცენდენტოდ გაზარდეს უკრაინის თავდაცვის გაძლიერების ინტერესი.. ევროპა ამ გზაზე მტკიცე პოზიციაზე დგას.
