შეხვედრაზე თანხმობის ნაცვლად კიევმა მოსკოვისგან იერიშები მიიღო. სამიზნე უკრაინის დედაქალაქი კიევი, მასთან ერთად კი მთელი ქვეყნის ტერიტორიაა იყო. დაღუპულია 20-მდე ადამიანი, ორჯერ მეტი დაჭრილი.
„ეს იყო დემონსტრაციული ტერორისტული თავდასხმა იმის ხაზგასასმელად, რომ ისინი კრიტიკული და სამოქალაქო ინფრასტრუქტურაზე თავდასხმას გააგრძელებენ. არ მგონია რუსეთის ფედერაციაში ვინმეს მშვიდობა სურდეს. ეს კი გამოწვევაა ჩვენი საერთაშორისო პარტნიორებისთვის, რადგან ეს დარტყმები ერთს ადასტურებს : რუსეთი მიჰყვება მის გზას, ეს კი ტერორიზმის გზაა. მათ სურს ჩვენი ხალხის დააშინო და დათესოს ჩვენში პანიკა”, – აღნიშნავს უკრაინის შინაგან საქმეთა მინისტრი, იჰორ კლიმენკო.
მშვიდობის პერსპექტივას მოსკოვმა კვლავ ტერორით უპასუხა, თუმცა უკრაინის პრეზიდენტისთვის მოულოდნელი არაფერი მომხდარა. მას იმ ქვეყნების პასუხი უფრო აინტერესებს, ვისაც რუსეთისგან მშვობის მოლოდინი ჯიუტად ჰქონდათ.
“ველით რეაქციებს ჩინეთიდან, უნგრეთიდან, ყველასგან მსოფლიოში, ვინც რუსეთს მშვიდობისკენ მოუწოდებდა, თუმცა პრინციპულ პოზიციაზე მეტად სულ უფრო ხშირად არჩევენ დუმილს. რუსული რაკეტები და დრონებით თავდასხმები მკაფიო პასუხია მშვიდობაზე, მათთვის ვინც კვირებისა თუ თვეების განმავლობაში ცეცხლის შეწყვეტისა და რეალური დიპლომატიისკენ მოწოდებებით გამოდიოდა. რუსეთმა მოლაპარაკებათა მაგიდას ბალისტიკა არჩია, ეს კი იმის ნიშანია,რომ შედეგების ჯერ კიდევ არ ეშინია. ახლა ნამდვილად სწორი დროა მკაცრი სანციებისთვის. ამოიწურა ყველა სახის ვადა, გაფუჭდა ათობით შესაძლებლობა დიპლომატიისთის. რუსეთმა უნდა იგრძნოს პასუხისმგებლობა თითოეული დარტყმის გამო, ამ ომის თითოეული დღის გამო”, – დაწერა სოციალურ ქსელში უკრაინის პრეზიდენტმა, ვოლოდიმირ ზელენსკიმ.
მასირებული რუსული შეტევა 600-მდე დრონითა და 31 რაკეტით განხორციელდა. რუსეთის შეიარაღებულმა ძალებმა გამოიყენეს შაჰიდის ტიპის ირანული დრონები, ფრთხოსანი და ბალისტიკური რაკეტები, მათ შორის კინჟალის ტიპის. ეს თავდასხმა აშშ-ის ჩართულობით დაწყებული დიპლომატიური მოლაპარაკებების გააქტიურების შემდეგ პირველი მასირებული შეტევა იყო კიევზე, შტატებში მომხდარს ჯერ არ გამოხმაურებიან. რუსეთმა კი კიევის დადანაშაულება იქით სცადა. არგუმენტად კი რუსეთზე კიევის შეტევები მოიყვანა. სულ ბოლო ღამეს ასეთი უკრაინამ 102 დრონით განახორციელა. შედეგად სამარაში სანავთობე ინფრასტრუქტურა აფეთქდა.
„თქვენ შეგიძლიათ ნახოთ დარტყმები რუსეთის ინფრასტრუქტურაზე, მათ შორის სამოქალაქოზე. ამას კი კიევის რეჟმი ახორციელებს და ეს ყველაფერი გრძელდება. რუსეთის შეიარაღებული ძალები ასევე ასრულებენ საკუთარ ამოცანებს, სპეციალური სამხედრო ოპერაცია გრძელდება. როგორც გაცხადებულია, ვაგრძელებთ სამხედრო და მასთან დაკავშირებულ ინფრასტრუქტურაზე დარტყმებს,ისინი წარმატებულია, მიზნები განადგურებულია. ამავდროულად კი რუსეთი რჩება დაინტერესებული მოლაპარაკებების პროცესით,რათა მიღწეულ იქნას ჩვენი მიზნები პოლიტიკური და დიპლომატიური გაგებით”,- ამბობს კრემლის სპიკერი, დიმიტრი პესკოვი.
ამ მიზნებში მშვიდობა არ შედის, თვლიან ევროკავშირში, ვისი წარმომადგენლობის ოფისიც რუსეთის მასირებული დარტყმის შედეგად დაზიანდა. ამის გამო ბრიუსელში რუსეთის დროებითი რწმუნებული ახსნა-განმარტებაზე დაიბარეს. დარტყმის შედეგად დაზიანდა ბრიტანული საბჭოს შენობაც. “ტერორი და ბარბაროსობა” -ასე აფასებენ მომხდარს ევროპელი ლიდერები.
„მე აღშფოთებული ვარ კიევზე თავდასხმით, რომლის შედეგადაც ასევე დაზიანდა ევროკავშირის ოფისი. ეს იყო ივლისის შემდეგ დედაქალაქზე ყველაზე სისხლიანი თავდასხმა დრონებითა და რაკეტებით. როგორც ეკრანზე ხედავთ, ეს იყო თავდასხმა ჩვენს დელეგაციაზეც. ახლახან ვესაუბრე ჩვენი ელჩის მოადგილეს და შვებით შევიტყვე, რომ ჩვენი თანამშრომლებიდან არავინ დაშავებულა. გუშინდელი დარტყმა დიპლომატიურ მისიასთან, ჩვენი კავშირის წარმომადგენლობასთან ახლოს განხორციელდა. ორი რაკეტა დელეგაციის შენობიდან 50 მეტრის დაშორებით 20 წამის ინტერვალით ჩამოვარდა. ეს არის მორიგი შეხსენება იმისა, თუ რა დევს სასწორზე. ეს აჩვენებს, რომ კრემლი არაფრის წინაშე არ გაჩერდება უკრაინის დასატერორებლად, ბრმად ხოცავს მშვიდობიან მოსახლეობას: კაცებს, ქალებსა და ბავშვებს, და სამიზნეში ევროკავშირსაც კი იღებს. მალე წარვადგენთ მკაცრი სანქციების მე-19 პაკეტს. პარალელურად, ჩვენ ვაგრძელებთ მუშაობას რუსეთის გაყინულ აქტივებთან დაკავშირებით, რათა ხელი შევუწყოთ უკრაინის თავდაცვასა და რეკონსტრუქციას“,- ასე გამოეხმაურა მომხდარს ურსულა ფონ დერ ლაიენი ევროკომისიიდან.
„პუტინი აგრძელებს უკრაინის ტერორს ყოველდღიურად. საკვანძოდ მნიშვნელოვანია, რომ ევროპელები, ევროკავშირიდან და ნატოდან, დადგნენ მტკიცედ უკრაინის მხარეს, ყოველგვარი “თუსა” და “მარამის” გარეშე.კარგია რომ აშშ მუშაობს მოლაპარაკებების სასარგებლოდ, მაგრამ ვხედავთ, რომ რუსეთის პრეზიდენტი უარს ამბობს ვოლოდიმირ ზელენსკისთან შეხვედრაზე. ჩვენ ვერ დაგვაბრმავებს გაჭიანურებული ტაქტიკით და გავაგრძელებთ უკრაინის მხარდაჭერას”, – ამბობს გერმანიის პირელი დიპლომატი,იოჰან ვადეპული.
მიმდინარე კვირას უკრაინის დელეგაციას ვაშინგტონში ელიან, მათ აშშ-ის პრეზიდენტის, დონალდ ტრამპის სპეციალური წარმომადგენელი,სტივენ უიტკოფი ელის.რომელიც რამდენიმე დღის წინ ირწმუნებოდა, რომ რუსეთი სერიოზულ დათმობბზე წავიდა. მიუხედავად ამისა, გასული კვირის აქტიური დიპლომატიის შემდეგ, სამშვიდობო პროცესში დინამიკის კლება საგრძნობი გახდა, არის მატებაც,თმცა უკვე ფრონტის ხაზზე.
