რუსულმა საოკუპაციო ძალებმა უკრაინის დედაქალაქზე საჰაერო იერიშები მიიტანეს. წინასწარი ინფორმაციით, დრონებითა და რაკეტებით თავდასხმებს 8 მშვიდობიანი მოქალაქე ემსხვერპლა, ათობით კი დაშავდა.
კიევის მერის, ვიტალი კლიჩკოს განცხადებით, საგანგებო სიტუაციების მართვის სამსახურები ამჟამად დედაქალაქის სამ რაიონში მუშაობენ. მისივე ინფორმაციით, დნეპროვსკში ცეცხლი 25-სართულიან კორპუსს გაუჩნდა.
ვიტალი კლიჩკოს ინფორმაციით, დრონის ნამსხვერევები ერთ-ერთი საბავშვო ბაღის ტერიტორიაზე ჩამოცვივდა, რამაც ხანძარი გამოიწვია.
განახლება:
ბოლო ცნობებით, უკრაინული მხარე აცხადებს, რომ რუსეთმა ამ თავდასხმების დროს ბალისტიკური რაკეტებიც გამოიყენა. დაბომბვის შედეგაც კიევში ხანძრის სულ მცირე, 20 კერა გაჩნდა.
