გერმანიაში საარტილერიო ჭურვების წარმოება მნიშვნელოვნად იზრდება. თავდაცვის ინდუსტრიის ერთ-ერთი უმსხვილესი საწარმო „რაინმეტალი“ ახალ ქარხანას მთლიანად ამ ტიპის შეიარაღების წარმოებას დაუთმობს. კომპანიის მიზანია 2027 წლიდან, მხოლოდ ამ ქარხანაში, წლიურად 350 000 საარტილერიო ჭურვი შექმნას. ქარხნის გახსნის ცერემონიას ნატოს გენერალური მდივანი მარკ რუტე და გერმანიის თავდაცვის მინისტრი ბორის პისტორიუსი დაესწრნენ. რუსეთის მიერ 2022 წელს უკრაინაში ფართომასშტაბიანი ომის დაწყების შემდეგ, ევროპამ შეიარაღების წარმოება მნიშვნელოვნად გაზარდა. ტენდენცია კიდევ უფრო გაძლიერდა მას შემდეგ, რაც აშშ-ის პრეზიდენტმა დონალდ ტრამპმა ევროპას მოუწოდა, მეტი პასუხისმგებლობა აეღო საკუთარ თავდაცვაზე.
„რაც შეეხება საბრძოლო მასალას, მხოლოდ ეს ქარხანა, როგორც აღინიშნა, წელიწადში 350,000 ერთეული საარტილერიო ჭურვის წარმოებას გეგმავს. და ეს დაემატება Rheinmetall-ის სხვა მთლიან წარმოებას. ამ წელს თქვენი ქარხნები გერმანიაში, ესპანეთში, უნგრეთში, ასევე, სამხრეთ აფრიკასა და ავსტრალიაში, ჯამში 700,000 საარტილერიო საბრძოლო მასალის გამოშვებას აპირებენ… დღეს ევროპის წლიური შესაძლებლობა ექვსჯერ აღემატება იმას, რაც ორი წლის წინ გვქონდა. მოსალოდნელია, რომ წლევანდელი მაჩვენებელი ორი მილიონ ერთეულამდე გაიზრდება. ამ ტემპში Rheinmetall-ს განსაკუთრებული ადგილი უკავია. მაგრამ ახლა საჭიროა მსგავსი ძალისხმევა უფრო რთული შესაძლებლობების — ტანკების, საჰაერო თავდაცვის სისტემებისა და რაკეტების წარმოების გასაზრდელად”, – აღნიშნა ნატოს გენერალურმა მდივანმა მარკ რუტემ და დასძინა, რომ მხოლოდ წელს რუსეთი სავარაუდოდ გეგმავს, სულ მცირე 1500 ტანკი, 3000 ჯავშანმანქანა და ასობით ისკანდერი რომ აწარმოოს.
ნატოს გენერალური მდივნის თქმით, ძლიერდება ჩინეთიც და რომ ისინი ემზადებიან გრძელვანიანი კონფრონტაციისთვის. „მივიღეთ გამოწვევა. ევროპა და ამერიკა ერთად არიან თავდაცვის წარმოების გაზრდის მიზნით“, – ამბობს მარკ რუტე.
გერმანული კომპანია „რაინმეტალი“, რომელიც 1889 წელს დაფუძნდა, სხვადასხვა ტიპის სამხედრო შეიარაღებას ქმნის. დამკვეთებს შორის არაერთი ევროპული ქვეყანაა. მაგალითად ერთ-ერთია ჩეხეთი, რომელიც, როგორც „რაინმეტალის“ ოფიციალური ვესაიტიდან ვიგებთ, 42 საბრძოლო ტანკს – „ლეოპარდსა“ და რამდენიმე სარემონტო სპეცსაშუალებას მიიღებს კომპანიისგან. ტრანსფორმაციის პროცესშია გერმანული არმიაც. 2022 წელს რუსეთის მიერ უკრაინაში ფართომასშტაბიანი ომის დაწყების შემდეგ, ბერლინი სამხედრო ძალების მოდერნიზაციას დიდ ყურადღებას უთმობს.
„დარწმუნებული ვარ მრეწველობის ტემპი ისეთივე სწრაფი იქნება, როგორც ის სიჩქარე რითიც ეს საწარმო აშენდა. სამუშაოების დაწყებიდან მხოლოდ 18 თვის შემდეგ პროდუქციის მნიშვნელოვანი რაოდენობა უკვე წარმოებაშია. და გეგმაშია ამ მონაცემების კიდევ უფრო გაზრდა ძალიან მოკლე პერიოდში, რაც შთამბეჭდავია. ესაა მკაფიო გზავნილი ქალბატონებო და ბატონებო. ჩვენ უსაფრთხოების მიზნით აქ გერმანიაში მარაგებს ვზრდით”, – ამბობს გერმანიის თავდაცვის მინისტრი ბორის პისტორიუსი.
გერმანიის კანცლერმა ფრიდრიხ მერცმა პირობა დადო, რომ ბერლინი ევროპაში ყველაზე ძლიერ კონვენციურ არმიას შექმნის. 2029 წლისთვის თავდაცვის ხარჯები 162 მილიარდ ევრომდე გაიზრდება. ეს სამჯერ მეტია იმ მაჩვენებელზე,რაც რუსეთის მიერ უკრაინაში დაწყებულ ომამდე იყო. ამასთან გერმანიაში დამტკიცდა კანონპროექტი, რომელიც გულისხმობს სავალდებულო სამხედრო სა მსახურის აღდგენას, იმ შემთხვევაში თუკი მოხალისეების რაოდენობა საკმარისი არ იქნება. ამ დროისთვის გერმანიის შეიარაღებულ ძალებში დაახლოებით 182 000 სამხედრო
