„ახლო მომავალში დადებით გადაწყვეტილებას ველით“ – ვოლოდიმირ ზელენსკი ევროკავშირში გაწევრების მოლაპარაკებების შესახებ

უკრაინის პრეზიდენტი ვოლოდიმირ ზელენსკი ევროკომისიის პრეზიდენტს, ურსულა ფონ დერ ლაიენს ესაუბრა.

პლატფორმა X-ზე ვოლოდიმირ ზელენსკი წერს, რომ საუბრისას მხარეებმა განიხილეს დიპლომატიური ძალისხმევები რუსული აგრესიის შესაჩერებლად.

I spoke with President of the European Commission @vonderleyen.

I am grateful for the condolences and solidarity with our people following such a cynical and brutal Russian strike. Last night was one of the largest attacks on Ukraine. The Russians chose Kyiv as their main… pic.twitter.com/Fv34heP2gl

— Volodymyr Zelenskyy / Володимир Зеленський (@ZelenskyyUa) August 28, 2025

უკრაინის პრეზიდენტის თქმით, კიევის პოზიციაა, გაძლიერდეს ზეწოლა მოსკოვზე, ვიდრე ის არ გადადგამს რეალურ ნაბიჯებს მშვიდობისკენ.

ვოლოდიმირ ზელენსკის განცხადებით, ახლო მომავალში ევროკავშირისგან ელის დადებით გადაწყვეტილებას ევრობლოკში უკრაინისა და მოლდოვას გაწევრების შესახებ მოლაპარაკებების გახსნის თაობაზე.

როგორც ვოლოდიმირ ზელენსკი წერს, სატელეფონო კომუნიკაციისას, ევროკომისიის პრეზიდენტმა დაგმო გასულ ღამეს, უკრაინის ქალაქებზე ერთ-ერთ ყველაზე მასშტაბური სარაკეტო თავდასხმები და სამძიმარი გამოუცხადა რუსული აგრესიის შედეგად დაღუპულთა ოჯახებს.