ვაშინგტონის მიერ ინდოეთისთის დაწესებული 50%-იანი ტარიფები დღეიდან ძალაში შევიდა. ეს მას შემდეგ, რაც აშშ-ის პრეზიდენტმა, დონალდ ტრამპმა, ნიუ-დელის რუსული ნავთობისა და იარაღის შესყიდვებისთვის დაწესებული 25%-იანი ტარიფი გაუორმაგა. ამ გზით ინდოეთი მოხვდა იმ ქვეყნების სიაში, რომელიც აშშ-ში შესული საექსპორტო პროდუქციისთის ყველაზე მაღალ გადასახადს გადაუხდის.
დონალდ ტრამპის გადაწყვეტილების გამო, ინდოეთის ეკონომიკური ზრდა რისკის ქვეშ დადგა, თუმცა ქვეყნის ხელისუფალი, პრემიერ-მინისტრი ნარენდრა მოდი თვლის, რომ ამის საპასუხოდ ქვეყანა თვითკმარი უნდა გახდეს: „აწარმოეთ ინდოეთში და დახარჯეთ ინდოეთში”, – ასეთია მოდის მიდგომა, რომელმაც ტურბულენტობის დასაბალანსებლად ქვეყანაში გადასახადების შემცირებაც კი დააანონსა.
შეგახსენებთ, რომ აშშ ინდოეთისთვის უდიდესი სავაჭრო პარტნიორს წარმოადგენდა, ამასთან ყველაზე ძლიერ მოკავშირეს ინდო-წყნარი ოკიანეთის ქვეყნებში. სიდიდით ინდოეთი მსოფლიოს რიგით მეხუთე ეკონომიკის მქონე ქვეყანაა.
