თურქეთი ზანგეზურის დერეფნის ფარგლებში რკინიგზის მშენებლობას იწყებს. საუბარია 224 კილომეტრიან სარკინიგზო ხაზზე, რომლითაც თურქეთის აღმოსავლეთით მდებარე ქალაქი ყარსი, აზერბაიჯანის ნახიჩევანის რესპუბლიკას დაუკავშირდება.
თურქეთის ტრანსპორტისა და ინფრასტრუქტურის მინისტრის განცხადებით,რკინიგზა ყოველწლიურად 5 მილიონამდე მგზავრის გადაყვანასა და 15 მილიონი ტონა ტვირთის გადაზიდვას მოემსახურება.
პროექტის თანახმად, მშენებლობა 4 წელიწადში უნდა დასრულდეს. ამისათვის კი 2 მილიარდნახევარი ევროა გამოყოფილი, რომელსაც თურქეთი საგარეო ვალის ხარჯზე დააფინანსებს. ანკარაში იმედს გამოთქვამენ, რომ მშენებლობის აზერბაიჯანული ნაწილიც დროულად დასრულდება,რომ ისტორიული ინფრასტრუქტურული პროექტი მალე შევიდეს ექსპლუატაციაში.
