„სომხეთი და აზერბაიჯანი ერთობლივად წარადგენენ დონალდ ტრამპს ნობელის მშვიდობის პრემიაზე“ – განაცხადა სომხეთის პრემიერ-მინისტრმა, ნიკოლ ფაშინიანმა ერისადმი მიმართვაში.
ინფორმაციას სომხეთის საზოგადოებრივი რადიო ავრცელებს.
აშშ-ს შუამავლობით სომხეთსა და აზერბაიჯანს შორის მიღწეულ სამშვიდობო შეთანხმებაზე საუბრისას, ნიკოლ ფაშინიანმა ასევე შეაქო „პრეზიდენტ დონალდ ტრამპისა და მისი ადმინისტრაციის ფასდაუდებელი როლი“.
