ვაშინგტონის მიერ მოსკოვისთვის მიცემული 10-დღიანი ვადა 8 აგვისტოს იწურება. ამასთან დაკავშირებით, უკრაინისა და აშშ-ის პრეზიდენტებს, ვოლოდიმირ ზელენსკისა და დონალდ ტრამპს, შორის გუშინ, 5 აგვისტოს, სატელეფონო საუბარი შედგა.
საუბარი ვოლოდიმირ ზელენსკის თქმით, პროდუქტიულად წარიმართა და მისი საკვანძო საკითხი ომის შეჩერება იყო.
მისივე თქმით, ამერიკელ კოლეგას ინფორმაცია მიაწოდა რუსეთის მხრიდან კიევსა და სხვა ქალაქებზე გაძლიერებული თავდასხმის შესახებ, მოგვიანებით, თავის ვიდეომიმართვაში უკრაინის პრეზიდენტმა აღნიშნა, რომ დონალდ ტრამპი კარგადაა ინფორმირებული ფრონტზე არსებული ვითარების შესახებ და ცეცხლის შესაწყვეტად ყველაფერს აკეთებს.
A productive conversation with President Trump, with the key focus of course being ending the war. We are grateful to @POTUS for all efforts toward a just and lasting peace. It is truly a must to stop the killing as soon as possible, and we fully support this. Many months could… pic.twitter.com/2doL7xsGkG
— Volodymyr Zelenskyy / Володимир Зеленський (@ZelenskyyUa) August 5, 2025
„დღეს პრეზიდენტ ტრამპს ვესაუბრე. ყველაზე მნიშვნელოვანი საკითხი ომის დასრულებაა. ის ძალიან კარგადაა ინფორმირებული, იცის რუსული იერიშებისა და ფრონტზე არსებული ვითარების შესახებ. იცის, რომ რუსები ახლა ცდილობენ იერიშები უფრო მასშტაბური გახდეს. უკრაინაში სრულად ვუჭერთ მხარს ამერიკულ წინადადებას ცეცხლის დაუყოვნებლივი შეწყვეტის შესახებ.
ჩვენ უკვე ვცადეთ მრავალი განსხვავებული ფორმატი, რომლის საშუალებითაც ცეცხლისა და მკვლელობის შეჩერებას ვეცადეთ. ვისაუბრეთ და შევთავაზეთ რუსეთს დრონებითა და რაკეტებით სამოქალაქო ინფრასტრუქტურასა და ენერგეტიკულ სექტორზე შეტევის შეჩერება. თუმცა რუსებმა ყველაფერი დაარღვიეს“, – აცხადებს უკრაინის პრეზიდენტი ვოლოდიმირ ზელენსკი.
იმ შემთხვევაში, თუ 8 აგვისტომდე რუსეთი უკრაინაში მშვიდობისკენ ნაბიჯებს არ გადადგამს, დონალდ ტრამპი სანქციების დაწესებით იმუქრება.
