დონალდ ტრამპი რუსული ნავთობის შესყიდვის გამო ინდოეთს ტარიფებს უზრდის. ამის შესახებ ამერიკის შეერთებული შტატების პრეზიდენტმა სოციალურ ქსელში თავად დაწერა.
„ინდოეთი არათუ დიდი რაოდენობით ყიდულობს რუსულ ნავთობს, არამედ ამ ნავთობის დიდ ნაწილს ღია ბაზარზე დიდი მოგებით ყიდის.
მათ არ ანაღვლებთ, რამდენი ადამიანი ეწირება უკრაინაში რუსეთის სამხედრო მანქანას. ამიტომ ინდოეთის მიერ ამერიკის შეერთებული შტატებისთვის გადასახდელ ტარიფებს მნიშვნელოვნად გავზრდი“, – წერს დონალდ ტრამპი.
