თეთრმა სახლმა ათობით ქვეყანას სავაჭრო ტარიფები დაუწესა. განკარგულება, რომელსაც ხელი აშშ-ის პრეზიდენტმა მოაწერა 7 დღეში შევა ძალაში, გამონაკლისი კანადაა. მისთვის 25%-იდან 35 %-მდე გაზრდილი გადასახადი დაუყოვნებლივ ამოქმედდება.
დონალდ ტრამის ახალ განკარგულებაში კი საუბარია 69 ქვეყნისთვის გათვალისწინებულ 10%-დან 41%-მდე ტარიფებზე, რომლებიც მათ აშშ-ში იმპორტირებულ საქონელზე დაუწესდებათ.
სიაში მოხვდა ევროკავშირიც, რომელმაც გასულ კვირას დონალდ ტრამპთან შეთანხმების მიღწევა შეძლო, შესაბამისად, 30-ის ნაცვლად ევროკავშირი შტატებს 15%-იანი ტარიფს გადაუხდის. ყველაზე მაღალი გადასახადი სირიას, ლაოსსა და მიანმარს შეეხოთ – მთელი 41%-ით, თუმცა მათ შტატებში მცირე იმპორტი აქვთ.
39%-იანი სატარიფო რეგულაცია შეეხო შვეიცარიას. მინიმალური, 10%-იანი ტარიფი დაუწესდა დიდ ბრიტანეთს, რაც ასევე წარმოადგენს დონალდ ტრამპთან მოლაპარაკების შედეგს.
სიაში არ მოხვდა ჩინეთი – ამ მხრივ ვაშინგტონში ჯერ ისევ ბუნდოვანებაა. თეთრ სახლში აცხადებენ,რომ ტარიფების მიზანი სავაჭრო დეფიციტის აღმოფხვრაა.
