აშშ-მა 2018 წლის შემდეგ ირანის წინააღმდეგ ყველაზე დიდი სასანქციო პაკეტი მიიღო.
აშშ-ის სახაზინო დეპარტამენტის მიერ გამოქვეყნებული განცხადების თანახმად, სანქციები დაუწესდა 50-ზე მეტი პირსა და კომპანიას. ამავე წყაროს ცნობით, იდენტიფიცირებულია 50-ზე მეტი ტანკერი, რომელთა დახმარებითაც, ირანული და რუსული ნავთობის კონტრაბანდას ეწეოდნენ.
სანქცირებულ პირთა შორის არის მოჰამედ ჰოსეინ შამხანი, რომელიც ირანის სულიერი ლიდერის, აიათოლა ალი ხამენეის, ნდობით აღჭურვილი პირია და შეერთებული შტატების ცნობით, კონტრაბანდის ამ ქსელს აკონტროლებს.
