რუსეთის ამურის ოლქში ჩამოვარდნილი სამგზავრო თვითმფრინავის, An-24-ის ბორტზე მყოფი ყველა პირი დაიღუპა. ამის შესახებ ინფორმაციას რუსული მედია ოპერატიულ სამსახურებზე დაყრდნობით ავრცელებს.
შესაბამისი უწყებების ცნობით, ბორტზე მყოფ 49 პირს შორის 5 ბავშვი იყო, გავრცელებული ინფორმაციით, ისინი ეკიპაჟის წევრებთან ერთად ირკუცკის ოლქიდან იყვნენ.
სამგზავრო თვითმფრინავი რუსეთის შორეულ აღმოსავლეთ რეგიონში ჯერ გაუჩინარდა, მოგვიანებით კი მისი ნამსხვრევები მთის ფერდობზე იპოვეს. თვითმფრინავი ხაბაროვსკი-ბლაგოვეშჩინსკი-ტინდას რეისს ახორციელებდა. ავიაკატასტროფის მიზეზებთან დაკავშირებით მიმდინარეობს გამოძიება.
