საფრანგეთის პრეზიდენტმა ემანუელ მაკრონმა და მისმა მეუღლემ, ბრიჯიტმა, ოთხშაბათს შეერთებულ შტატებში ცილისწამების ბრალდებით სარჩელი შეიტანეს მემარჯვენე პოდკასტერ კენდის ოუენსის წინააღმდეგ.
მაკრონები პოდკასტერს ედავებიან, რომ ავრცელებს ჭორებს, თითქოს თითქოს პირველი ლედი მამაკაცია.
დელავერის უზენაეს სასამართლოში შეტანილ სარჩელში მაკრონები აცხადებენ, რომ ოუენსმა პირადი სარგებლის მიზნით „გლობალური დამცირების კამპანია“ და „დაუნდობელი ბულინგი“ წამოიწყო, რათა მისი პოდკასტი პოპულარული გამხდარიყო.
მაკრონების თქმით, ოუენსის მიერ ხშირად გამეორებული ერთ-ერთი ტყუილია, თითქოს ბრიჯიტ მაკრონი დაიბადა ჟან-მიშელ ტრონიეს სახელით, რაც სინამდვილეში მისი ძმის სახელია.
ასევე, ოუენსს ბრალი ედება ცრუ განცხადებაში, რომ თითქოს ემანუელ მაკრონი საფრანგეთის პრეზიდენტად დაინიშნა ცენტრალური სადაზვერვო სააგენტოს საიდუმლო შეთქმულების შედეგად.
ეს არ არის პირველი შემთხვევა, როდესაც ბრიჯიტ მაკრონი ცილისწამებისთვის სასამართლოს მიმართავს. 2021 წელს მან სარჩელი შეიტანა ორი ქალის წინააღმდეგ , რომლებიც მაკრონის გენდერის შესახებ ცრუ ინფორმაციას ავრცელებდნენ. მაშინ სასამართლომ ქალებს ბრიჯიტ მაკრონისა და მისი ძმსთვის კოპენსაციების გადახდა დააკისრა.
