ანდრეი ერმაკი რეჯეფ თაიფ ერდოღანს შეხვდა. თურქეთის პრეზიდენტთან შეხვედრის შესახებ უკრაინის პრეზიდენტის ადმინისტრაციის ხელმძღვანელმა პლატფორმა X-ზე თავად დაწერა.
„სამშვიდობო პროცესის დინამიკა ჩვენთვის ძალიან მნიშვნელოვანია, რადგან საქმე ეხება რეალურ ადამიანებსა და ბავშვებს, რომლებიც რუსეთმა გაიტაცა. თითოეული მათგანი შინ უნდა დაბრუნდეს”, – წერს ანდრეი ერმაკი.
The dynamics of the peace process matter deeply to us — because this is about real people, real children who were abducted by Russia and must all be brought back home.
We also discussed the need for a high-level meeting between President of Ukraine @ZelenskyyUa, President of the… pic.twitter.com/oo5CJh6uke
— Andriy Yermak (@AndriyYermak) July 23, 2025
უკრაინის პრეზიდენტის ადმინისტრაციის ხელმძღვანელი იმასაც აღნიშნავს, რომ თურქეთის პრეზიდენტთან შეხვედრისას განიხილეს მაღალი დონის შეხვედრის ორგანიზების საკითხიც უკრაინის, ამერიკის შეერთებული შტატების, თურქეთისა და რუსეთის პრეზიდენტებს შორის, „რათა ომის დასრულების მიზნით რეალურ მოლაპარაკებებზე გადავიდნენ“.
შეხვედრაში მონაწილეობდა რუსეთთან მოლაპარაკებებში უკრაინის დელეგაციის ხელმძღვანელი და უკრაინის ეროვნული უსაფრთხოებისა და თავდაცვის საბჭოს მდივანი რუსტემ უმეროვიც.
