კიევმა რუსეთს სამშვიდობო მოლაპარაკებების ახალი რაუნდი შესთავაზა. ეს განცხადება უკრაინის პრეზიდენტმა, ვოლოდიმირ ზელენსკიმ 19 ივლისს გააკეთა.
უკრაინული და რუსული დელეგაციები ერთმანეთს სტამბოლში მაისსა და ივნისში შეხვდნენ. თუმცა პატიმრების გაცვლაზე შეთანხმების გარდა, ცეცხლის სრულად შეწყვეტის საკითხზე მათ პროგრესი არ ჰქონიათ.
„მოლაპარაკებები უნდა გაძლიერდეს. ჩვენ ყველაფერი უნდა გავაკეთოთ ცეცხლის შეწყვეტის მისაღწევად. რუსულმა მხარემ უნდა შეწყვიტოს გადაწყვეტილებების მიღებისგან თავის არიდება. ხანგრძლივი მშვიდობის უზრუნველსაყოფად ლიდერების დონეზე შეხვედრაა საჭირო. უკრაინა ასეთი შეხვედრისთვის მზადაა“, – აცხადებს უკრაინის პრეზიდენტი, ვოლოდიმირ ზელენსკი.
Secretary of the NSDC proposed a new meeting with Russia next week. They must stop hiding from decisions. Ceasefire. Prisoner exchanges. Return of children. End to the killings. And a meeting at the level of leaders is needed to truly ensure a lasting peace. Ukraine is ready. pic.twitter.com/ksH7FzxnAE
— Volodymyr Zelenskyy / Володимир Зеленський (@ZelenskyyUa) July 19, 2025
ეს განცხადება იმ დროს კეთდება, როცა მოსკოვი უკრაინაზე სარაკეტო იერიშებს აძლიერებს. ბოლო თვეებში რუსეთმა ერთ ღამეში იმაზე მეტი დრონი გამოიყენა, ვიდრე 2024 წლის ზოგიერთ თვეში ერთად.
ქალაქ მოსკოვზე თავდასხმებს აძლიერებს უკრაინაც და ადგილობრივი მედია აცხადებს, რომ უკვე მეოთხე ღამეა დედაქალაქს ათობით დრონით ესხმიან თავს.
