2025 წლის 6 თვის განმავლობაში საქართველოს დაცულ ტერიტორიებს 459 207 ვიზიტორი ესტუმრა. დაცული ტერიტორიების სააგენტოს ინფორმაციით, ვიზიტორთა შორის 49% ქართველი, 51% კი უცხო ქვეყნის მოქალაქე იყო.
ბოლო სტატისტიკით, საქართველოს დაცულ ტერიტორიებს ყველაზე ხშირად სტუმრობენ პოლონეთიდან, ინდოეთიდან, ისრაელიდან, რუსეთიდან და ბელარუსიდან. ამ თემაზე ევრონიუს ჯორჯიას ეთერში დაცული ტერიტორიების სააგენტოს თავმჯდომარის მოადგილემ თამარ ხახიშვილმა ისაუბრა.
