უკრაინისა და აშშ-ის პრეზიდენტებს შორის „ძალიან მნიშვნელოვანი და სასარგებლო” სატელეფონო საუბარი გაიმართა. ამის შესახებ უკრაინის პრეზიდენტი სოციალურ ქსელში წერს.
როგორც ის ამბობს, აშშ და უკრაინა შეთანხმდნენ, რომ იმუშავებენ უკრაინის ცის დაცვის გაძლიერებაზე. მისივე თქმით, დონალდ ტრამპთან განიხილა ორი ქვეყნის თავდაცვის ინდუსტრიების ერთობლივი წარმოების შესაძლებლობა, მათ შორის დრონებისა და მასთან დაკავშირებული ტექნოლოგიების.
საუბარი ვოლოდიმირ ზელენსკისა და დონალდ ტრამპს შორის შედგა ერთი დღის შემდეგ, რაც ამერიკის პრეზიდენტი ვლადიმერ პუტინს ესაუბრა, თუმცა ამ საუბრით „ძალიან იმედგაცრუებული“ დარჩა.
