„საზღვრებიდან ხიდებამდე” – ორგანიზაცია „ჰელფინგ ჰენდი” ახალ პროექტს იწყებს.
პროექტის მიზანია, საქართველოში მცხოვრებ ქართველ, სომეხ და აზერბაიჯანელ ახალგაზრდებს შორის ინტერკულტურული დიალოგისა და ნდობის მშენებლობა, ეთნიკური მიკერძოებებისა და სტიგმების აღმოფხვრა, ახალგაზრდების გაძლიერება და მშვიდობისკენ მიმართული ინიციატივების წახალისება.
პროექტში ჩართულ ახალგაზრდებს შესაძლებლობა ექნებათ თავიანთი უბნისა თუ რეგიონის ლიდერები და მშვიდობის „ახალგაზრდა ელჩები” გახდნენ. ამ თემაზე ევრონიუს ჯორჯიას ეთერში „ჰელფინგ ჰენდის” მოხალისე ელჩმა ანა კუპრავამ ისაუბრა.
