ბრიტანელი ბუნებათმცოდნე და დოკუმენტური ფილმების ლეგენდარული ავტორი, 99 წლის დევიდ ატენბორო, ლონდონში სრულიად ახალ და მასშტაბურ ინტერაქტიულ შოუს წარმოადგენს. შოუს „ჩვენი ისტორია“ ჰქვია და ის ბუნების ისტორიის მუზეუმში გაიმართება. დევიდ ატენბორო დედამიწის ოთხი მილიარდი წლის ისტორიას სულ რაღაც 50 წუთში აცოცხლებს და ეს მუზეუმის პირველი 360 გრადუსიანი კინემატოგრაფიული ნამუშევარი იქნება. პროექტი Open Planet Studio-ს მიერ შეიქმნა. კომპანიის თანადამფუძნებელმა და რეჟისორმა ჯონი ჰიუზმა აღნიშნა, რომ ატენბორომ ძალიან კარგად აღიქვა შოუს ფორმატი და მისი გავლენა მაყურებელზე. მისი თქმით, მათ მიზნად დაისახეს, რომ მუზეუმის სტუმრებისთვის თანამედროვე მეთოდებით მოეთხროთ ამბები კაცობრიობის ისტორიის შესახებ. 2026 წლიდან კი პროექტი „ჩვენი ისტორია“ ტურნეს გამართავს, როგორც დიდი ბრიტანეთის სხვა ქალაქებში, ისე საერთაშორისო მასშტაბით.
Search
