რუსეთის პრეზიდენტის პრესმდივანი დმიტრი პესკოვი ადასტურებს ყირიმის ხიდზე მომხდარ აფეთქებას, თუმცა ამბობს, რომ „არაფერი დაზიანებულა და ხიდი ფუნქციონირებს“.
3 ივნისს უკრაინის უსაფრთხოების სამსახურმა განაცხადა, რომ რუსეთსა და კრემლის მიერ ანექსირებულ ყირიმს შორის დამაკავშირებელი ხიდის ერთ-ერთი წყალქვეშა საყრდენი ააფეთქა.
უწყების თანახმად, 1100 კგ ასაფეთქებელი მოწყობილობის ამოქმედებას მსხვერპლი არ მოჰყოლია, ხოლო ხიდი „ფაქტობრივად ავარიულ მდგომარეობაშია“.
