ამერიკელმა მილიარდერმა და გამომგონებელმა ილონ მასკმა სოციალურ პლატფორმა X-ზე რამდენიმე საათის წინ განაცხადა, რომ პოლიტიკიდან მიდის.
ის აშშ-ის პრეზიდენტის, დონალდ ტრამპის, მთავარი მრჩეველი იყო და სათავეში ედგა გუნდს, რომელიც სამთავრობო ხარჯებისა და ბიუროკრატიის შემცირებაზე მუშაობდა.
ილონ მასკმა გადაწყვეტილება მას შემდეგ მიიღო, რაც გუშინ პრეზიდენტ ტრამპის საკანონმდებლო დღის წესრიგი გააკრიტიკა და აღნიშნა, რომ იმედგაცრუებულია იმით, რასაც დონალდ ტრამპი თავის „დიდ, ლამაზ კანონპროექტს“ უწოდებს.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
The @DOGE mission will only strengthen over time as it becomes a way of life throughout the government.
— Elon Musk (@elonmusk) May 29, 2025
„რადგან ჩემთვის, როგორც სპეციალური სამთავრობო წარმომადგენლისთვის, განკუთვნილი დრო იწურება, მინდა მადლობა გადავუხადო პრეზიდენტ დონალდ ტრამპს უსარგებლო ხარჯების შემცირების შესაძლებლობისთვის“, – წერს ილონ მასკი სოციალურ პლატფორმა X-ზე.
