დაცული ტერიტორიების სააგენტო საქართველოს ეროვნული პარკების სახასიათო გმირის შესაქმნელად ღია კონკურსს აცხადებს.
გმირი შესაძლოა იყოს როგორც რეალური ცხოველი, ისე გამოგონილი პერსონაჟი. იგი სხვადასხვა არხის მეშვეობით საზოგადოებას ბუნების შესახებ მიაწვდის ინფორმაციას, ასევე შთააგონებს მის დაცვას და ხელს შეუწყობს პარკებისადმი ინტერესის ზრდას, განსაკუთრებით ახალგაზრდებში.
როგორია კონკურსში მონაწილეობის კრიტერიუმები – ამ თემაზე ევრონიუს ჯორჯიას ეთერში დაცული ტერიტორიების სააგენტოს თავმჯდომარის მოადგილემ თამარ ხახიშვილმა ისაუბრა.
