გერმანიის კანცლერმა ფრიდრიხ მერცმა გუშინ განაცხადა, რომ დასავლელი მოკავშირეები კიევისთვის მიწოდებული შორ მანძილზე მოქმედი რაკეტების რუსული სამხედრო სამიზნეების წინააღმდეგ გამოყენებაზე შეზღუდვებს ხსნიან.
ფრიდრიხ მერცმა დააკონკრეტა, რომ შეზღუდვები მხოლოდ გერმანულ იარაღზე არ მოხსნილა და უკრაინას ახლა საკუთარი თავის დაცვა უფრო ეფექტიანად შეეძლება, მაგალითად, რუსულ სამხედრო ობიექტებზე თავდასხმით.
მერცმა ასევე გაამხილა, რომ 10 მაისს საფრანგეთის, დიდი ბრიტანეთისა და პოლონეთის ლიდერებთან ერთად კიევში ვიზიტის ერთ-ერთი მიზეზი სწორედ ამ შეზღუდვების გაუქმება იყო.
„ახლა ვერავინ გაგვკიცხავს იმის გამო, რომ ჩვენთვის ხელმისაწვდომი ყველა დიპლომატიური საშუალება არ ამოვწურეთ“, – განაცხადა ფრიდრიხ მერცმა.
