ისრაელი ღაზაზე საჰაერო იერიშების მიტანას აგრძელებს. გვიან ღამით, 21 მაისს, ღაზის სექტორში აფეთქების ხმა ისმოდა.
ღაზის ჯანდაცვის სამინისტროს ინფორმაციით, საჰაერო თავდასხმას 86 პალესტინელის სიცოცხლე ემსხვერპლა, ასევე დაზარალდა ათობით ადამიანი. ისრაელმა ღაზაზე იერიშები სექტორში არსებული ჰუმანიტარული კრიზისის ფონზე მიიტანა.
გაეროს ინფორმაციით, ღაზაში სამედიცინო და ჰუმანიტარული დახმარება კვლავ ვერ შეაქვთ.
The entire population in Gaza is at risk of famine.
1 in 5 people faces starvation between now and September due to 19 months of conflict, mass displacement and the blockade of humanitarian aid & commercial supplies.
More from @WFP: https://t.co/CmkuDo6kkg pic.twitter.com/lvnvsegtsD
— United Nations (@UN) May 22, 2025
ისრაელის პრემიერ-მინისტრმა ბენიამინ ნეთანიუჰუმ კი ოთხშაბათს, 21 მაისს, განაცხადა, რომ ისრაელი ღაზაში დახმარების შეტანის ახალ სისტემაზე მუშაობს. ისრაელის პრემიერის ეს განცხადება გააკრიტიკეს, რადგან დახმარება ღაზაში სწორედ ისრაელელი სამხედროების ბლოკადის გამო ვერ შედის.
