„მოსკოვი აფხაზეთის რუსეთში ინტეგრაციას კიდევ უფრო აღრმავებს” – „დემოკრატიის კვლევის ინსტიტუტი” აქვეყნებს სტატიას აფხაზეთში რუსული პროპაგანდის ზრდისა და მსხვილი ინფრასტრუქტურული პროექტების განხორციელების თაობაზე.
რა გზებითა და საშუალებებით ღრმავდება აფხაზეთის რუსეთში ინტეგრაციის პროცესი, რა რისკებს შეიცავს კრემლის გადაწყვეტილება, ოკუპირებულ ტერიტორიებზე მცხოვრები მოსახლეობისთვის რუსეთის მოქალაქეობის გამარტივებული წესით მინიჭების თაობაზე, არსებობს თუ არა ვითარების კიდევ უფრო გამწვავებისა და ანექსიის საფრთხე და როგორია სამშვიდობო დიალოგის პერსპექტივა ქვეყანაში მიმდინარე პროცესების ფონზე – ამ თემებზე ევრონიუს ჯორჯიას ეთერში „დემოკრატიის კვლევის ცენტრის“ დამფუძნებელი უჩა ნანუაშვილი საუბრობს.
