ევროპის საბჭოს მინისტრთა კომიტეტმა უკრაინის წინააღმდეგ რუსეთის აგრესიის დანაშაულისთვის სპეციალური ტრიბუნალის შექმნა დაიწყო.
როგორც ევროპის საბჭოს პრესსამსახურის მიერ გავრცელებულ განცხადებაშია ნათქვამი, ევროპის საბჭოს მინისტრთა კომიტეტმა დაადასტურა ურყევი ერთგულება უკრაინისთვის სამართლიანობის და რეკონსტრუქციის გზაზე – აგრესიის დანაშაულისთვის სპეციალური ტრიბუნალის შექმნის პროცესის დაწყებით.
ლუქსემბურგში გამართულ ყოველწლიურ შეხვედრაზე, მინისტრებმა გენერალურ მდივან ალენ ბერსეს დაავალეს ევროსაბჭოს ფარგლებში, აგრესიის დანაშაულისთვის სპეციალური ტრიბუნალის შექმნის პროცესის ხელმძღვანელობა, უკრაინასთან შეთანხმების საფუძველზე.
