უკრაინის უმაღლესმა რადამ აშშ-თან იშვიათი მინერალების და წიაღისეულის მოპოვების შესახებ შეთანხმების რატიფიცირება მოახდინა – ინფორმაციას უკრაინული მედია ავრცელებს.
მათივე ცნობით, „აშშ-უკრაინის ორმხრივ შეთანხმებას რეკონსტრუქციის საინვესტიციო ფონდის პირობების დადგენის შესახებ“ მხარი 338-მა დეპუტატმა დაუჭირა.
ხელშეკრულებას თავდაპირველად ხელი, უკრაინის ეკონომიკის მინისტრმა, იულია სვირიდენკომ და აშშ-ის სახაზინო მდივანმა, სკოტ ბესენტმა 1-ელ მაისს ვაშინგტონში მოაწერეს.
პირობების თანახმად, უკრაინა ბუნებრივ რესურსებზე საკუთრების უფლებას ინარჩუნებს და თავად განსაზღვრავს, თუ სად და როგორ მოხდება იშვიათი მეტალების მოპოვება.
ამასთან, საკუთარი ბუნებრივი რესურსების მონეტიზაციის შედეგად – უკრაინა მიღებული შემოსავლების 50%-ს რეკონსტრუქციის ფონდში შეიტანს. სანაცვლოდ კი აშშ-ი იღებს ვალდებულებას – გააგრძელოს უკრაინის ფინანსური მხარდაჭერა რუსული აგრესიის წინააღმდეგ.
