უკრაინის უმაღლესი რადა მინერალების შეთანხმების რატიფიცირებისთვის ემზადება. იშვიათი წიაღისეულის ერთობლივი მოპოვების შესახებ აშშ-სა და უკრაინას შორის ხელმოწერილ დოკუმენტს საკანონმდებლო ორგანოში 8 მაისს უყრიან კენჭს. შესაბამისი დოკუმენტი უწყებამ განსახილველად უკვე მიიღო.
პროცესისთვის მინიმალური, 7-დღიანი, ვადა იქნება გამოყოფილი, რაც იმას ნიშნავს, რომ უკრაინის პარლამენტი მინერალების შეთანხმებაზე თანხმობას მომდევნო 1 კვირის განმავლობაში გასცემს. ამასთან, დღეს, 2 მაისს, პარლამენტს ქვეყნის პრემიერ- მინისტრმა მიმართა. მან მოუწოდა კანონმდებლებს დოკუმენტის რატიფიცირება რაც შეიძლება მალე მოახდინონ.
კიევსა და ვაშინგტონს შორის იშვიათი მეტალების მოპოვებისა და უკრაინის რეკონსტრუქციისთვის ერთობლივი საინვესტიციო ფონდის შექმნის თაობაზე დოკუმენტს 1-ელ მაისს მოეწერა ხელი, რაც დედაქალაქებში პოზიტიურად შეფასდა.
Today, our government team reported on the economic partnership with the United States. We have an agreement. It has been signed and will be submitted to the Verkhovna Rada for ratification. And we are interested in having no delays with it.
All our representatives did a good… pic.twitter.com/iVMHbQXvux
— Volodymyr Zelenskyy / Володимир Зеленський (@ZelenskyyUa) May 1, 2025
პირობების თანახმად, უკრაინა ბუნებრივ რესურსებზე საკუთრების უფლებას ინარჩუნებს და თავად განსაზღვრავს, თუ სად და როგორ მოხდეს იშვიათი მეტალების მოპოვება.
ეს გარიგება ერთგვარი გარანტიაა უკრაინისთვის, რომელმაც მის მიწაზე ამერიკული ფინანსური ინტერესების არსებობით რუსეთი უნდა შეაკავოს.
