ამერიკული მედიის ცნობით, ეროვნული უსაფრთხოების საკითხებში აშშ-ის პრეზიდენტის, დონალდ ტრამპის მრჩეველი მაიკ უოლცი თანამდებობას ტოვებს.
“სიბიეს ნიუსის” ინფორმაციით პირველ მაისს თანამდებობას მისი მოადგილე ალექს ვონგიც დატოვებს.
მარტში, მაიკლ უოლცი სკანდალში გაეხვა, როდესაც Signal-ში – გამოცემა The Atlantic-ის მთავარი რედაქტორი, ჯეფრი გოლდბერგი დახურულ „ჩატში“ დაამატა, სადაც ტრამპის ადმინისტრაციის მაღალჩინოსნები „ჰუსიტების“ წინააღმდეგ სამხედრო თავდასხმას განიხილავდნენ.
გავრცელებული ინფორმაციით, ეროვნული უსაფრთხოების მრჩევლის თანამდებობას უოლცის შემცვლელად დონალდ ტრამპის სპეციალური წარმომადგენელი – სტივ უიტკოფი განიხილება.
