რუსეთის არმიამ უკრაინის ქალაქ ოდესაზე დრონებით მორიგი მასშტაბური იერიში მიიტანა. ადგილობრივი მედიასაშუალებების ინფორმაციით, დაბომბვის შედეგად დაშავდნენ მშვიდობიანი მოქალაქეები.
ინფორმაციას უკრაინული მედია ოდესის საოლქო-სამხედრო ხელმძღვანელ ოლეგ კიპერსა და ოდესის მერ გენადი ტრუხანოვზე დაყრდნობით ავრცელებს.
ოდესის საოლქო-სამხედრო ხელმძღვანელის განცხადებით, რუსეთის იერიშის სამიზნე გახდა სამოქალაქო ინფრასტრუქტურა, მათ შორის საცხოვრებელი სახლები, საგანმანათლებლო დაწესებულება და სატრანსპორტო საშუალებები. იერიშის შედეგად შენობებს ხანძარი გაუჩნდა.
