აშშ-ის სახელმწიფო მდივანი მარკო რუბიო 17 აპრილს საფრანგეთის დედაქალაქ პარიზში რუსეთსა და უკრაინას შორის სამშვიდობო შეთანხმების შესახებ ევროპელ მოკავშირეებთან მოლაპარაკებისთვის ჩაფრინდება.
სახელმწიფო დეპარტამენტის მიერ გავრცელებულ განცხადებაში წერია, რომ მარკო რუბიოსთან ერთად მოკავშირეებთან შეხვედრას შეერთებული შტატების სპეციალური წარმომადგენელი სტივ უიტკოფიც დაესწრება.
ამერიკელი დიპლომატები შეხვდებიან საფრანგეთის პრეზიდენტ ემანუელ მაკრონსა და საგარეო საქმეთა მინისტრ ჟან-ნოელ ბაროს. უკრაინის გარდა საუბარი ახლო აღმოსავლეთსა და ირანის ბირთვულ პროგრამასაც შეეხება.
