მიუსაფარი ცხოველების პრობლემა უკვე მრავალია წელია ერთ-ერთი ყველაზე მწვავე სოციალური საკითხია საქართველოსთვის.
მიუსაფარი ცხოველების ზუსტი სტატისტიკა არ არსებობს, თუმცა ცხოველთა დამცველების ვარაუდით, მათი რაოდენობა დაახლოებით ნახევარი მილიონია. ამის გამომწვევი მთავარი მიზეზი კი, მათივე თქმით, ცხოველების უკონტროლო გამრავლებასთან ერთად, ისაა, რომ სახელმწიფოს შესაბამისი პოლიტიკა, ხედვა და სტრატეგია არ აქვს.
პრობლემის საწყისზე, ადგილობრივ რეგულაციებზე, საერთაშორისო გამოცდილებასა და გამოსავლის გზებზე ევრონიუს ჯორჯიას ეთერში „რინგოვეტის” დამფუძნებელმა ნესტან მამაცაშვილმა ისაუბრა.
