ათასობით პალესტინელი ღაზის სამხრეთის ქალაქ რაფაჰიდან გარბის. ისრაელმა ევაკუაციის შესახებ მორიგი ბრძანება გასცა, რომელიც თითქმის მთელ ქალაქსა და მიმდებარე ტერიტორიებზე ვრცელდება.
გაეროს პალესტინელ ლტოლვილთა დახმარების სააგენტოში აცხადებენ, რომ ევაკუაციის შესახებ ბრძანება 140 000 ადამიანს შეეხო.
As if death, diseases, destruction and hunger were not enough for the Palestinians in #Gaza
People are treated like pinballs with constant military orders playing with their fate & lives.
The Israeli Authorities issued today more forced displacement orders in #Rafah impacting…— Philippe Lazzarini (@UNLazzarini) March 31, 2025
ამავდროულად, ისრაელის არმია განაგრძობს სახმელეთო ოპერაციას ჩრდილოეთ ღაზაში, სადაც, მათი მტკიცებით, „ჰამასის“ 50 მებრძოლი გაანადგურეს. ისრაელმა შეაჩერა ცეცხლის შეწყვეტის შეთანხმება და მიმდინარე თვეს განაახლა ავია და სახმელეთო ოპერაციები. მან ასევე შეზღუდა საკვების, საწვავის, მედიკამენტებისა და ჰუმანიტარული დახმარების მიწოდება ღაზის სექტორში.
ისრაელის არმიამ უარი განაცხადა, დაეტოვებინა რაფაჰის სასაზღვრო გადასასვლელი, როგორც ეს გათვალისწინებული იყო იანვარში ხელმოწერილი ცეცხლის შეწყვეტის შეთანხმებით და ამის ნაცვლად ალტერნატიული წინადადება წარადგინა.
„ჰამასი“ დაჟინებით მოითხოვდა ხელმოწერილი შეთანხმების შესრულებას, ცეცხლის ხანგრძლივად შეწყვეტასა და ისრაელის ჯარების გაყვანას მძევლების გათავისუფლების სანაცვლოდ.
