ამერიკის შეერთებული შტატების პრეზიდენტის, დონალდ ტრამპის განცხადებით, მისი პორტრეტი, რომელიც კოლორადოს შტატის გუბერნატორმა შტატის კაპიტოლიუმში გამოფინა, მიზანმიმართულადაა დამახინჯებული და მას მალე ჩამოხსნიან.
საკანონმდებლო ორგანოს აღმასრულებელმა კომიტეტმა, რომელიც შედგებოდა როგორც დემოკრატიული, ასევე რესპუბლიკური ხელმძღვანელობისგან, უკვე მოაწერა ხელი წერილს ტრამპის პორტრეტის ჩამოხსნის თაობაზე.
კაპიტოლიუმის კედელზე აშშ-ის სხვა პრეზიდენტების პორტრეტებიცაა, მათ შორის არიან ბარაკ ობამა, ჯორჯ ბუში, ბილ კლინტონი, აბრაამ ლინკოლნი და სხვები.
